Original bilingual journalism · English & తెలుగు
ఆహాలో ‘క్రేజీ కళ్యాణం’.. నవంబరు 20 నుంచి స్ట్రీమింగ్
అనుపమ, నరేశ్ నటించిన ‘క్రేజీ కళ్యాణం’ శుక్రవారం (నవంబరు 20) నుంచి ఆహాలో స్ట్రీమింగ్ కానుంది. థియేటర్లలో విడుదలైన 35 రోజులకు ఓటీటీకి వస్తోంది.

హైదరాబాద్: పల్లెటూరి పెళ్లి సందడితో అక్టోబరు 16న థియేటర్లలోకి వచ్చిన ‘క్రేజీ కళ్యాణం’ ఇప్పుడు ఓటీటీకి వస్తోంది. శుక్రవారం (నవంబరు 20) నుంచి ఆహాలో స్ట్రీమింగ్ కానుంది. ఈ మేరకు ఆదివారం (నవంబరు 15) ఆహా తన అధికారిక యూట్యూబ్ ఛానల్లో కొత్త ట్రైలర్ను విడుదల చేసింది. ఆహా గోల్డ్ సభ్యులకు 24 గంటలు ముందుగానే చిత్రం అందుబాటులోకి వస్తుందని తెలిపింది.
థియేటర్లలో విడుదలైన 35 రోజులకే చిత్రం ఓటీటీకి చేరుతోంది. కొత్త ట్రైలర్ నిడివి 3 నిమిషాల 11 సెకన్లు.
తండ్రి ఆరాటం.. కూతురి కల
తెలంగాణలోని ఓ పల్లెటూరు నేపథ్యంలో కథ సాగుతుంది. కూతురికి మంచి సంబంధం చూసి పెళ్లి చేయాలని ఆరాటపడే తండ్రి పర్వతాలుగా నరేశ్ నటించారు. ఎమ్మెస్సీ చదివిన కీర్తి పాత్రలో అనుపమ పరమేశ్వరన్ కనిపిస్తారు. ఆమె లక్ష్యం ప్రభుత్వ ఉద్యోగం. మనసు మాత్రం చేనేత కార్మికుడు ఉదయ్ దగ్గరే ఉంది. ఆ పాత్రను అఖిల్ రాజ్ పోషించారు. తరుణ్ భాస్కర్ తనవంతు నవ్వులు పంచారు. బంధువుల గుసగుసలు కథకు మరింత సందడి తెచ్చాయి.
బద్రప్ప గాజుల కథ రాసి దర్శకత్వం వహించారు. ఆరో సినిమాస్ పతాకంపై బూసం జగన్రెడ్డి నిర్మించారు. పాటలు, నేపథ్య సంగీతం సురేశ్ బొబ్బిలి అందించారు. ఛాయాగ్రహణం శ్యామ్ దూపాటి, కూర్పు శ్రావణ్ కటికనేని. విడుదల రోజే తెలుగు స్కోప్ ఈ చిత్రాన్ని సమీక్షించింది.
శుక్రవారం సందడే సందడి
నవంబరు 20న తెలుగు ప్రేక్షకులకు మరిన్ని కొత్త చిత్రాలు రానున్నాయి. దుల్కర్ సల్మాన్ నటించిన ‘ఆకాశంలో ఒక తార’ అదే రోజు థియేటర్లలోకి వస్తోంది. ‘డీజే టిల్లు’ దర్శకుడి హాస్య చిత్రం ‘అనుమాన పక్షి’ కూడా అదే రోజు సన్ నెక్ట్స్లో స్ట్రీమింగ్ కానుంది.
ప్రీమియర్ ఏ సమయానికో ట్రైలర్ వివరణలో ఆహా పేర్కొనలేదు. గోల్డ్ సభ్యులకు 24 గంటల ముందస్తు అవకాశం ఉంటుందని మాత్రమే తెలిపింది. ఎప్పటి నుంచి చూడొచ్చో వెల్లడించలేదు.
More Stories
Moviesప్రశాంత్ నీల్ సమర్పణలో ‘418’.. నవంబరు 20 నుంచి నెట్ఫ్లిక్స్లో
Movies‘చీన్ తపక్ డమ్ డమ్’ నుంచి ‘మరొక్కసారి’.. కార్తీక్ గానం
Movies‘సామి సామి’ అంటున్న ‘బాల 369’.. 27న విడుదల
Movies‘ఓం’ ప్రీ రిలీజ్ వేడుకలో సాయిపల్లవి, శ్రీలీల చిందులు
Movies‘కొక్కొరొకో’ నుంచి ‘సీతాకోకమ్మ’.. శ్వేతా మోహన్ గానం
Movies‘మైసా’ నుంచి ‘ఏనాటి వరమో నువ్వు’.. 27న సినిమా విడుదల
