బస్తర్‌లో మోదీ దీపావళి: నక్సలిజం లేని తొలి దీపావళి అన్న ప్రధాని; తెలంగాణలో 6, ఏపీలో 5 జిల్లాలు 2025 నాటికే జాబితా నుంచి బయటకు

బస్తర్‌లో మోదీ దీపావళి జరుపుకున్నారు. ఛత్తీస్‌గఢ్‌లోని కరణ్‌పూర్ CoBRA operations baseలో నవంబర్ 8 ఆదివారం భద్రతా బలగాలకు ఆయన మిఠాయిలు పంచారు. దేశంలో ఒక్క జిల్లాలోనూ నక్సలిజం లేని తొలి దీపావళి ఇదేనని జవాన్లతో అన్నారు. బస్తర్, అబూజ్‌మాడ్‌లో మావోయిస్టులపై operationsకు బలగాలు శిక్షణ పొంది బయలుదేరింది ఈ base నుంచే.

గడిచిన ఏడాదిలో dutyలో ఒక్క CRPF జవాను కూడా ప్రాణం కోల్పోలేదని, 47 ఏళ్లలో ఇదే మొదటిసారని ప్రధాని చెప్పారు. ఒకప్పుడు సుమారు 20 రాష్ట్రాల్లో 230కి పైగా జిల్లాలు నక్సల్స్ గుప్పిట్లో ఉండేవని, ఏటా 2,000 వరకు దాడులు జరిగేవని గుర్తు చేశారు. 2010లో దంతెవాడలో రెండు దాడుల్లో 76 మంది CRPF సిబ్బంది, 44 మంది సామాన్యులు చనిపోయారన్నారు.

ఆ ప్రాంతాల్లో 15,000 కి.మీ.కు పైగా రోడ్లు, 9,500కు పైగా mobile towers, సుమారు 175 ఏకలవ్య పాఠశాలలు, దాదాపు 50 ITIలు వచ్చాయని వివరించారు. తుపాకులు పట్టిన నక్సల్స్ ఇప్పుడు ఆ అడవుల్లో లేరని చెప్పారు.

తెలంగాణలో ఆరు, ఏపీలో ఐదు జిల్లాలు

జూలై 29న రాజ్యసభకు హోం శాఖ ఇచ్చిన లిఖితపూర్వక సమాధానం ప్రకారం 2021లో తెలంగాణలో ఆదిలాబాద్, భద్రాద్రి కొత్తగూడెం, జయశంకర్ భూపాలపల్లి, కుమురం భీం, మంచిర్యాల, ములుగు నక్సల్ ప్రభావిత జిల్లాలు. 2024 నాటికి భద్రాద్రి కొత్తగూడెం, ములుగు మాత్రమే మిగిలాయి. ఏపీలో 2021లో తూర్పు గోదావరి, శ్రీకాకుళం, విశాఖపట్నం, విజయనగరం, పశ్చిమ గోదావరి ఉండగా, 2024లో అల్లూరి సీతారామరాజు ఒక్కటే మిగిలింది. 2025కి రెండు రాష్ట్రాల్లోనూ ఒక్క జిల్లా కూడా జాబితాలో లేదు.

తెలంగాణలో 2024లో 8 మావోయిస్టు ఘటనల్లో ముగ్గురు పౌరులు, 2025లో 7 ఘటనల్లో ఒకరు చనిపోయారు. 2026లో జూలై 21 వరకు రెండు ఘటనలు జరిగినా ప్రాణనష్టం లేదు. ఏపీలో 2024లో ఒక్క ఘటన తర్వాత మరేదీ లేదు. 2026లో జూలై 21 వరకు దేశమంతటా 33 ఘటనల్లో 11 మంది చనిపోయారు; వారిలో ఐదుగురు భద్రతా సిబ్బంది.

ములుగు–బీజాపూర్ సరిహద్దులోని కర్రెగుట్టల్లో ఛత్తీస్‌గఢ్ పోలీసులు, కేంద్ర బలగాలు 2025 ఏప్రిల్ 21 నుంచి 21 రోజులు operation నడిపాయి. 21 ఎదురుకాల్పుల తర్వాత 31 మంది మావోయిస్టుల మృతదేహాలు, 35 ఆయుధాలు దొరికాయి. మృతుల్లో మావోయిస్టు పార్టీ తెలంగాణ రాష్ట్ర కమిటీ సభ్యులూ ఉండొచ్చని హోం శాఖ తెలిపింది.

శిబిరాలు ఇక సేవా కేంద్రాలు

నక్సలిజం అంతానికి 2024 ఆగస్టులో పెట్టుకున్న 2026 మార్చి 31 గడువు నెరవేరిందని హోం శాఖ చెబుతోంది. 2026 మార్చి–ఏప్రిల్ నుంచి ఏ జిల్లా ప్రభావిత జాబితాలో లేదు. మావోయిస్టులు లేని ప్రాంతాల్లో మూడో వంతు భద్రతా శిబిరాలను జన సువిధ కేంద్రాలుగా మారుస్తున్నారు. నైపుణ్య శిక్షణ, ప్రభుత్వ schemes, digital సేవలు, వైద్యం అక్కడ అందుతాయి. తొలి కేంద్రం బస్తర్‌లోని జగదల్‌పూర్ పరిధి నేతానార్‌లో మొదలైంది.